Xocalı faciəsinə həsr olunmuş tədbir keçirilmişdir
Bakı Dövlət Universitetinin (BDU) Ekologiya və torpaqşünaslıq fakültəsinin Tələbə Gənclər Təşkilatının (TGT) təşkilatçılığı ilə Xocalı faciəsinin 33-cü ildönümünə həsr olunmuş tədbir keçirilmişdir.
Əvvəlcə Dövlət himni səsləndirilmiş, Şəhidlərimizin və Xocalı faciəsi qurbanlarının xatirəsi bir dəqiqəlik sükutla yad edilmişdir.
Tədbirdə Ekologiya və torpaqşünaslıq fakültəsinin dekanı Akif Ağbabalı, Torpaqşünaslıq və daşınmaz əmlakın kadastrı kafedrasının baş müəllimi Qismət Xanbabayev və II kurs tələbəsi Fatimə Babayeva Xocalı soyqırımının başvermə səbəbləri və onun doğurduğu ağır nəticələr, bu qanlı aksiyaya hüquqi-siyasi qiymətin verilməsi və onun dünya ictimaiyyətinə layiqincə çatdırılması istiqamətində görülən mühüm işlərdən söz açmışdırlar. Xalqımıza qarşı erməni vəhşiliyinin tarixi dövrlər üzrə baş verməsini sistemli şəkildə izah edərək, Qanlı Xocalı faciəsinin bunun ən dəhşətlisi olduğu bildirmişlər.
Tədbirdə Xocalı faciəsinə həsr olunmuş videoçarx nümayiş etdirilmişdir.
Allah bütün şəhidlərimizə rəhmət eləsin!
