Bakı Dövlət Universiteti Ekologiya və torpaqşünaslıq fakültəsi

Bakı Dövlət Universitetinin (BDU) Ekologiya və torpaqşünaslıq fakültəsinin Tələbə Gənclər Təşkilatının (TGT) təşkilatçılığı ilə Qarabağ və Şərqi Zəngəzurun ekoturizmi mövzusunda tədbir keçirilmişdir.

Ekologiya və torpaqşünaslıq fakültəsinin TGT sədri Bayram Əlizadə tədbiri açmış, daha sonra Torpaqşünaslıq və daşınmaz əmlakın kadastrı kafedrasının dosenti Azər Cəfərov ilk öncə ekoturizmin yaranmasının tarixi zəruriliyindən, hal hazırda dünya üzrə bu sahənin sürətlə populyarlaşmasından və inkişaf perspektivini ümumi təhlil etmişdir. O, həmçinin Qarabağ və Şərqi Zəngəzurun olduqca zəngin biomüxtəlifliyi, təbii resursları, qədim və xarakterik adət ənənəsi və tarix memarlıq abidələrinin yaratdığı imkanlardan irəli gələrək gələcəkdə səmərəli ekoturizmin təşkilinin istiqamətlərini sistemli təhlil etmişdir. Tədbir I kurs tələbələri Aysu Məmmədova və Xanım Şəbizadənin çıxışları ilə davam etmişdir.