Bakı Dövlət Universiteti Ekologiya və torpaqşünaslıq fakültəsi

Faya meşəsinin təbii-ekoloji şəraitinin (coğrafi mövqeyi, relyefi, geologiyası, iqlimi, hidrologiyası, florası və faunası, torpaq örtüyü və landşaftları) kameral və çöl tədqiqatlarının nəticələri əsasında təhlili verilmişdir. Ümumi sahəsi 79964 ha olan Faya meşəsi ərazisində 37,374 hektar və ya ümumi meşə sahəsinin 46,72% -ni tutan kollu savannaların üstünlük təşkil etdiyi, 2-ci yerdə seyrək ağaclı savannalar 9594 ha (12%) gəldiyi, otlu savannalar və çəmənliklər 8770 ha (11%) təşkil etdiyi müəyyən edilmişdir. Ağaclı savannalar 6250 hektar ərazini (7,81%), yenidən salınmış meşəliklər ərazinin 5,65% (4531,08 ha) təşkil edir. Faya meşəsində 30 il ərzində (1990-2020) təbii və antropogen təsir nəticəsində baş verən dəyişikliklərin səviyyəsi müəyyən edilmişdir. Landsat5 (1990) və Landsat8 (2020) əsasında tərtib edilmiş xəritələrə əsasən qalereya meşələrinin sahəsinin 58,96%, seyrək meşəliklərin - 18,52%, savannaların - 37,21%, ağaclı savannaların sahəsinin 40,85% azalmış, kollu savannaların sahəsi 76,21%, otlu savannaların sahəsi isə 68,75% artmışdır. Faya meşəsinə olan əsas antropogen təsirlərin enerji ehtiyatlarının olmaması səbəbindən oduncaq tədarükü, əkinçilik və heyvandarlığın inkişafı, ağacların tikinti materialı kimi istifadəsi və s. olduğu müəyyən edilmişdir.

Sonra seminar iştirakçılarının çoxsaylı sualları cavablandırıldı.