Mərkəzi Nəbatat Bağında innovativ tədris metodları ilə dərslər keçmişdir
Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin mütəxəsissi Nigar Mustafayeva Bakı Dövlət Universitetinin (BDU) Ekologiya və torpaqşünaslıq fakültəsinin Coğrafi ekologiya kafedrası üzrə tədris prosesinə dəvət olunmuşdur.
O, “Ekologiya” ixtisası üzrə tədris etdiyi "Təbii resursların dayanıqlı istifadəsi" və “Ekoloji menecment” fənlərinin mühazirə və məşğələ dərslərini Mərkəzi Nəbatat Bağında innovativ tədris metodları ilə keçmişdir.
İnteraktiv dərs zamanı tələbələrə xəritədən istifadə edilərək «Landşaft formasiyalarından rasional istifadə prinsipləri» mövzusu natura üzərində əyani izah edilmişdir. Bağın ərazisinin müasir landşaftı yeni və köhnə xəritələrin əsasında müqayisə edilərək fərqlər araşdırılmışdır. Mərkəzi Nəbatat Bağının yenidən qurulmasından sonrakı istifadəsindəki cəhətlərin ekoloji menecmetliyi tələbələrə ətraflı izah edilmişdir.
