“Həsən Əliyevin ətraf mühitin mühafizəsində rolu”
Bakı Dövlət Universiteti (BDU) Ekologiya və torpaqşünaslıq fakültəsinin Tələbə Gənclər Təşkilatının (TGT) təşkilatçılığı ilə akademik Həsən Əliyevin anadan olmasının 117-ci ildönümünə həsr olunmuş “Həsən Əliyevin ətraf mühitin mühafizəsində rolu” mövzusunda təbdir keçirilmişdir.
Tədbirin açılışında çıxış edən Coğrafi ekologiya kafedrasının dosenti Tahir İbrahimov akademik Həsən Əliyevin həyatı, zəngin elmi fəaliyyəti ilə bağlı məlumat verərək, onunla eyni dövürdə işlədiyi vaxtların xoş xatirələrindən ətraflı danışmışdır.
Daha sonra I kurs tələbəsi Dəniz Zeynallı akademik Həsən Əliyevi təbiətin mühafizəsi problemi ilə məşğul olan əvəzedilməz ziyalı, vətəndaş, alim olması barədə danışaraq, Azərbaycanda Təbiəti Mühafizə Cəmiyyətinin yaradılmasında və bir çox qoruqların təşkilidə məhz görkəmli elm xadiminin əvəzsiz xidmətlərini qeyd etmişdir.
Əsası akademik Həsən Əliyev tərəfindən qoyulmuş “Ətraf mühitin mühafizəsi” məktəbi hazırda Respublikamızda və BDU-da uğurla davam etməkdədir.
