Elmi seminar keçirilib
Bakı Dövlət Universiteti (BDU) Ekologiya və torpaqşünaslıq fakültəsinin Torpaqşünaslıq və daşınmaz əmlakın kadastrı kafedrasının dosenti, b.e.d. Vəfa Qasımova “Bitki mühafizəsində polien antibiotiklərdən istifadənin ekoloji aspektləri” mövzusunda Elmi seminarda çıxış edib.
Kənd təsərrüfatı bitkilərinin məhsuldarlığının artırılması və məhsulun keyfiyyətinin yüksəldilməsi təkcə Azərbaycanda deyil, bütün dünyada müasir bitkiçiliyin ən aktual problemidir. Ekoloji cəhətdən az təhlükəli bitki mühafizəsi vasitələrinin istifadəsi əsasında aqroekosistemlərin fitosanitar vəziyyətinin effektiv optimallaşdırılması yolu ilə həll edilə bilər. Son onillikdə aqroekosistemlərin fitosanitar optimallaşdırılması strategiyası və taktikası ekoloji cəhətdən az təhlükəli bitki mühafizə vasitələri və onların istifadəsi üçün innovativ texnologiyalardan istifadə etməklə əhəmiyyətli dərəcə daşıyır.
Tədqiqatçı V.Qasımova bioloji aktiv birləşmələri əldə etmək üçün müəyyən torpaq mikroorqanizmlərindən, xüsusən də Actinomyceslərdən istifadə edib. Aktinomisetlər patogen bakteriyaların və göbələklərə qarşı antibiotik maddələri sintez edir. Müasir biotexnoloji üsullardan istifadə etməklə yüksək membran aktivliyinə və patogen infeksiyaların çoxalmasına və inkişafına selektiv təsir göstərmək qabiliyyətinə malik mikroorqanizmlərdən molekulyar təmiz polien antibiotiklər alıb. Alınmış pereperat açıq və qapalı şəraitdə tərəvəz bitkilərinə tətbiq olunub. Həmçinin polien antibiotiklər digər dərman prepalatları ilə müqayisədə fitopatogen mikroorqanizmlərə qarşı mübarizədə bir sıra qiymətli üstünlüklərə malikdir. Bitki orqanlarına və toxumalarına asanlıqla nüfuz edirlər, buna görə də onların fəaliyyəti əlverişsiz iqlim şəraitindən daha az asılıdır və bitki toxumalarında antibakterial təsir göstərir.
