Ekologiya və torpaqşünaslıq fakültəsində akademik Həsən Əliyevin anadan olmasının 114 illiyinə həsr olunmuş “Azərbaycanın müasir ekoloji problemləri” mövzusunda onlayn vebinar keçirilmişdir.
Bakı Dövlət Universitetinin Ekologiya və torpaqşünaslıq fakültəsində Azərbaycanda Ətraf mühitin mühafizəsi hərakatının banisi akademik Həsən Əliyevin anadan olmasının 114 illiyinə həsr olunmuş “Azərbaycanın müasir ekoloji problemləri” mövzusunda onlayn vebinar keçirilmişdir.
Vebinarda akademik Həsən Əliyevin keçdiyi ömür yolu, ətraf mühitin qorunmasında misilsiz fəaliyyəti haqqında məlumat verilib. mövzu ətrafında Coğrafi ekologiya kafedrasının müdiri dosent Akif Ağbabalı, Torpaqşünaslıq kafedrasının müdiri akademik Qərib Məmmədov, Coğrafi ekologiya kafedrasının dosenti Tahir İbrahimov, Coğrafi ekologiya kafedrasının professoru Şövqi Göyçayski Həsən Əliyevin Azərbaycanın təbiətinə qayğısı, gənclərə dəstəyi, müasir ekoloqların yetişməsində gördüyü işlər haqqında çıxış ediblər. Sonra Coğrafi ekologiya kafedrasının gənc müəllimi Aysel Hacıyevanın “Azərbaycanın müasir ekoloji problemləri” mövzusunda çıxışı dinlənilmişdir.
