Ekologiya və torpaqşünaslıq fakültəsində 8 mart Beynəlxalq Qadınlar Gününə həsr olunmuş "Dəyərli xanımlarımız" adlı tədbir keçirilmişdir
Ekologiya və torpaqşünaslıq fakültəsində 8 mart Beynəlxalq Qadınlar Gününə həsr olunmuş "Dəyərli xanımlarımız" adlı tədbir keçirilmişdirTədbirdə Ekologiya və torpaqşünaslıq fakültəsinin dekan müavini Fətəli Hüseynov, BDU könüllülərinin Ekologiya və torpaqşünaslıq fakültəsi üzrə sədri Leyla İmaməliyeva və tələbələr iştirak etmişdir.
Tədbirdə bəşəriyyətin yaradıcılarından olan qadın obrazının həyatımızda rolu haqqında bəhs edilmişdir.
" Hər xanım özəl və gözəldir, bu varlığın həyata qatdıqları, fədakarlıqları qarşısında sözlər yetməz. Adi bir tarixə həyat verən, xoşbəxtlik saçan varlıqdır qadın... Bu tədbirlər də kiçik də olsa qadının rolu, gücü, varlığını çatdırmaq istədik.
Əziz xanımlar, arzumuz odur ki, hər zaman sevib-seviləsiniz, öz gücünüzün, haqqınızın, varlığınızın fərqində olasınız.
Bəşəriyyətə tək diləyimiz gələn illərdə qadına şiddət və cinayət halları olmadan bayramlar keçirək, həyat sürək. Bizlər yaşamağa, öyrənməyə, yaratmağa layiq varlıqlarıq.
Hər biriniz, hər birimiz dəyərliyik,günümüz mübarək✨"
Həmçinin fakültənin könüllüləri Günel Hacəliyeva, Ruhsarə Namazlı, Gülər Quluzadə, Aydan Ağayeva, Nərmin Cavadlı, Aydın İsgəndərli, Röya Aslanova, Ülkər Mehdiyeva tədbirdə iştirak etmişlər.
