Dekan müavini Əsas dərs verilişinin qonağı olmuşdur
14.04.2023-cü il tarixində Ekologiya və torpaqşünaslıq fakültəsinin dekan müavini Fətəli Hüseynov İctimai radionun canlı efirində Əsas dərs verilişinin qonağı olmuşdur. Əsas dərs proqramında Ekoloji bilik günü ilə əlaqədar olaraq Ekoloji təhsil mövzusunda fikir mübadiləsi aparılmışdır. Mövzu ətrafında ekologiya ixtisası üzrə tələbələrin ali məktəbə qəbulu, tələbələrin ekologiya elmini öyrənmə xüsusiyyətləri, tədris olunan fənnlər, tələbələrin laboratoriya təcrübələrini aparma şəraiti, tələbələrin elmi-tədqiqata cəlb olunması və ideyalarının reallaşdırılması dərəcəsi, tələbələrin motivasiyası, həyata keçirilən müsabiqə və konfranslar, istehsalat təcrübələri, ekoloqların işlə təmin olunma dərəcəsi, aparılan elmi-tədqiqat işlərin istiqamətləri haqqında müzakirə aparılmışdır. Sonra ətraf mühitin çirklənməsi, onun yaratdığı fəsadlar və onların aradan qaldırılması yolları, dəniz suyunun duzsuzlaşdırılması, orta məktəblərdə ekoloji təhsil, insanların ekoloji maarifləndirilməsi və s. istiqamətlərdə fikir mübadiləsi aparılmışdır.
