Bakı Dövlət Universiteti Ekologiya və torpaqşünaslıq fakültəsi

Coğrafi ekologiya kafedrasının müdiri Məhluqə Yusifova Əl-Fərabi adına Qazaxıstan Milli Universitetində UNESCO-nun “Dayanıqlı inkişaf” kafedrasının 3 fevral 2023-cü il tarixində təşkil etdiyi “Dayanıqlı inkişafın məqsədlərini reallaşdırmaqda universitetlərin rolunun yüksəldilməsi” (Повышение роли университетов в реализации целей устойчивого развития) adlı Beynəlxalq elmi vebinarda iştirak etmişdir. 

Əsas məqsədi Dayanıqlı inkişafın məqsədlərinin həyata keçirilməsində universitetlərin verdiyi töhfəni qiymətləndirmək, Dayanıqlı inkişafın məqsədləri üzrə mütəxəssislərin təcrübələrini bir araya gətirməklə əməkdaşlığı gücləndirmək və dəyişikliyə təkan verən yeni təşəbbüsləri təşviq etmək, Dayanıqlı inkişafın məqsədlərinin müəllimlərin pedaqoji və elmi fəaliyyətinə daxil edilməsi, Dayanıqlı inkişafın məqsədlərinin daxili idarəetməyə və bütövlükdə universitet idarəçiliyinə tətbiqi, Dayanıqlı inkişafın məqsədlərinin həyata keçirilməsində gənclərin liderlik potensialının inkişafı kimi sahələrdə əməkdaşlıq olan vebinarda dünyanın müxtəlif ölkələrindən (ABŞ, Fransa, İtaliya, Niger, Özbəkistan, Qırğızıstan və b.) olan universitetlərin alim və mütəxəssisləri iştirak etmişdir.