Bakı Dövlət Universiteti Ekologiya və torpaqşünaslıq fakültəsi və BDU Könüllülərinin təşkilatçılığı ilə "20 Yanvar" adlı tədbir həyata keçirilmişdir
Bakı Dövlət Universiteti Ekologiya və torpaqşünaslıq fakültəsi üzrə BDU Könüllülərinin təşkilatçılığı ilə "20 Yanvar" adlı tədbir həyata keçirilmişdir. Tədbirdə Ekologiya və torpaqşünaslıq fakültəsinin dekan müavini Fətəli Hüseynov, Bakı Dövlət Universitetinin tarix müəllimi, professor Sevda Süleymanova, BDU könüllülərinin Ekologiya və torpaqşünaslıq fakültəsi üzrə sədri Leyla İmaməliyeva iştirak etmişdir.
Bəşəriyyətin yaddaşına silinməz izlər qoyan o qanlı gecənin 32 illiyinə həsr olunmuş tədbirdə müəllimlər öz təəssüratlarını, xatirələrini tələbələrlə bölüşmüşlər. Həmçinin 20 Yanvar-Azərbaycanın istiqlal yolunun ilk zirvəsi, azadlıq istəyinin oyanış günü barəsində, baş verən hadisələr, ölkənin üzərində aparılan siyasət və qanlı tariximiz haqqında məlumatlar verilmişdir. Uzun illər Sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli tarix olan 20 Yanvar barəsində statistik məlumatlar verilmişdir. Şəhidlərimizin əziz xatirəsi yad edilmiş, tələbələr tərəfindən bu günə həsr olunmuş şeirlər söylənilib. Sonda 20 Yanvar haqqında videoçarx nümayiş olunmuşdur.
