Ağacəkmə aksiyası keçirilib
Bakı Dövlət Universiteti (BDU) və Ekologiya və Təbii Sərvətlər Nazirliyinin birgə təşkilatçılığı ilə “Yaşıl dünya naminə həmrəylik ili” çərçivəsində Bakının Müşfiqabad qəsəbəsində ağacəkmə aksiyası keçirilib.
“Yaşıl dünya naminə həmrəylik ili” çərçivəsində keçirilən aksiya zamanı Nazirliyin əməkdaşları, ekokönüllüləri, BDU-nun Ekoloji kimya kafedrası, Ekologiya və torpaqşünaslıq fakültəsinin müəllim-tələbə heyəti və “BDU könüllüləri”nin iştirakı ilə ərazidə Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Ekoloji davamlılıq, yaşıllıq zonalarının bərpası və genişləndirilməsini təşviq edən tədbirin məqsədi ictimaiyyətin diqqətini ətraf mühitin sağlamlaşdırılmasına, yaşıllıqların artırılmasına yönəltmək və iqlim dəyişikliyi ilə mübarizəyə töhfə verməkdir.
