Bakı Dövlət Universiteti Ekologiya və torpaqşünaslıq fakültəsi

“AzerGold” Qapalı Səhmdar Cəmiyyəti (QSC) ölkəmizin ali təhsil müəssisələrində təhsil alan tələbələr üçün üçüncü “Təqaüd proqramı” müsabiqəsi elan edir. Səhmdar Cəmiyyətin strateji layihələrinin vaxtında və lazımi kadrlar ilə təmin edilməsi məqsədi ilə təsis edilən müsabiqədə 2023-2024-cü tədris ili üzrə bakalavr və magistr səviyyəsinin sonuncu kursunda əyani təhsil alan, Azərbaycan vətəndaşı olan tələbələr iştirak edə bilərlər. Ötən illərdən fərqli olaraq bu il dağ-mədən mühəndisliyi, geologiya və metallurgiya sahələri ilə yanaşı, ekologiya, kimya mühəndisliyi, elektrik və energetika mühəndisliyi, iqtisadiyyat, inzibati idarəetmə və kommersiya, menecment və filologiya sahələri üzrə təhsil alan tələbələrin də müsabiqədə iştirakı nəzərdə tutulub. Müsabiqə iki – test imtahanı və müsahibə mərhələsindən ibarətdir. Təqaüd komissiyası tərəfindən aparılacaq qiymətləndirmə zamanı test imtahanında ən çox bal toplayan 20 namizəd müsahibəyə buraxılacaq. Növbəti mərhələdə hər bir namizədin hazırlığı müvafiq qiymətləndirmə meyarlarına uyğun olaraq müəyyən ediləcək. Yekunda müsabiqəni uğurla keçən 10 nəfər tələbə Təqaüd proqramına cəlb edilərək, hər biri müvafiq təltifnamə və 9 ay müddətində hər ay 200 manat məbləğində təqaüd əldə edəcək. Proqramda iştirak edən tələbələrin Səhmdar Cəmiyyətdə təcrübə proqramlarında iştirakı və məzun olduqdan sonra müvafiq vəzifələr üzrə işlə təmin edilməsi nəzərdə tutulur. Təqaüd proqramı layihəsi və müsabiqənin şərtləri ilə ətraflı tanış olmaq üçün “AzerGold” QSC-nin rəsmi veb-saytında (azergold.az) “Karyera” bölməsində yaradılmış “Təqaüd proqramı” altbölməsinə daxil ola bilərsiniz. Müsabiqədə iştirak etmək üçün sözügedən altbölmədəki müraciət formasını doldurmaq tələb olunur. Müsabiqəyə qeydiyyat 21 avqust 2023-cü il tarixindən başlanılır. Müraciət üçün son tarix 21 sentyabr 2023-cü ildir. Xatırladaq ki, “AzerGold” QSC tərəfindən elan edilən “Təqaüd proqramı” müsabiqələrində müvafiq ixtisaslar üzrə ali təhsil müəssisələrinin bakalavr və magistr səviyyələrində təhsil alan 18, peşə təhsili müəssisələrində isə təhsil alan 27 tələbəyə təqaüd verilib. Proqram çərçivəsində 2 nəfər ali təhsil müəssisələrində, 4 nəfər peşə təhsili müəssisəsində təhsil alan tələbə “AzerGold” QSC-də işə qəbul edilib.

Hörmətli həmkarlar, əziz tələbələr və maraq göstərən hər bir şəxs Sizləri 5 iyun - Ümumdünya Ətraf Mühitin Mühafizəsi Gününə həsr olunmuş fakültəmizin IV kurs tələbəsi Bahar Həşimovanın yaradıcılıq Sərgisinə dəvət edirik.

Ekologiya və torpaqşünaslıq fakültəsinin Elmi seminarında Coğrafi ekologiya kafedrasının doktorantı SƏNƏM İSAYEVAnın “Qusar-Qonaqkənd kadastr rayonu torpaqlarının ekoloji qiymətləndirilməsi” mövzusunda məruzəsi olacaqdır

Əziz IV kurs və məzun olmuş tələbələrimizin nəzərinə

Akademik Həsən Əliyevin 115 illiyinə həsr olunmuş TƏBİƏTİN SƏSİ adlı müsabiqə elan olunur .

Bakı Dövlət Universitetinin (BDU) Ekologiya və torpaqşünaslıq fakültəsinin təşkilatçılığı ilə 2022-ci il 19-20 dekabr tarixlərində akademik Həsən Əliyevin anadan olmasının 115-ci ildönümünə həsr olunmuş “Ekologiya: təbiət və cəmiyyət problemləri” mövzusunda Respublika elmi konfransı keçiriləcəkdir.

Elm gününə həsr olunmuş Ustad dərs keçiriləcəkdir

“Azərbaycan təbiətini qoruyaq” mövzusunda elmi seminar keçiriləcəkdir

Bioekologiya kafedrasında dissertasiya işinin ilkin müzakirəsi keçiriləcəkdir

2021-ci il may ayının 6 və 7-də Azərbaycan xalqının Ümummilli lideri Heydər Əliyevin anadan olmasının 98-ci ildönümünə həsr olunmuş “Ekologiya və torpaqşünaslıq elmləri XXI əsrdə” mövzusunda II Respublika elmi konfransı keçiriləcəkdir

08.04.2021-ci il saat 15:00-da Ekoloji kimya kafedrasının doktorantı Qədirova Elmina Müsrət qızının “Bəzi metal üzvi birləşmələrdən istifadə etməklə avtonəqliyyat vasitələrinin və neft emalı sənayesinin yaratdığı ekoloji problemlərin həllinin elmi əsaslarının işlənib hazırlanması” mövzusunda elmi seminarı keçiriləcəkdir.